سحر بعيونك

موضوع: سحر بعيونك الأحد نوفمبر 02, 2008 11:03 pm

سحر بعينك حبيبي لو شعر
لوسوالف شهرزاد بالف ليله وليله

من سواد البيهن انطيني حبر
خلني اسجل بيه هل تعليله

من البياض الطوله والعرضه شبر
من حورهن كلبي زايد ويله

يل حواجيبك على عيونك خفر
والخدود الناعمه تضويله

ارد احلفك بالنبي سيد اليشر
والكتاب ومن سعى بتنزيله

ليش طرفك دوم ناعس ياكمر
والرموش تحضنه وتجيله

عين حاسد لو قضاء ومن قدر
هل الفتور الماعرف تعليله

ذوبنت جبدي يغاتي بالخزر
وعكلي من راسي بغيت اتشيله

بسيف لحظك تطبر بروحي طبر
علعلتها وغدة والله انحيله

يلي عندك عين اصفه من الصكر
وحله من عين الغزال كحيله

انه بمرك مااخلفلك امر
ولو كلتلك لا طكني بجيله

حبي حيدر اشكلاك على ذوقك واطلب منك تخليني مراقبة ممكن