ابوذيات لعيونك حبيبي

دمـــع عيني بغيابك بره سايل
وعليك الگلب يطلع بره ســايل
ماينـــــفع غـــــزلنــه برســـايل
اريـــد الغــــزل وانت ابيـــن إدية

ينـــور العيــن مرســـالك وصلنه
بچـــينه ودمــعـــنه بــلل وصلنه
أمانـــة عليـك لاتگـــطع وصـلنه
عســاني انــــدار لترابك فـــدية

تعــلم گلبي يرسم من رسمكم
وأريد بيوم اضوگن مـــرة سمكم
إذا بجــوالي صــدفة مر إسمكم!
رصيـــدي اوزعــه للعـــالم هـدية

اعدجروح كلبي .................مايه عــدي
ولهسه الفرح صدك.............مايه عــدي
اكل للحزن عدي ...............مايـــــعدي
يدوس اعلة الجرح ويعم عليـــــــــــــــة

موضوع: re الإثنين نوفمبر 17, 2008 4:49 am

العين اتخون ..
آنه مجرب اعيوني ..
مرات الحلو ..
متشوفه كلش زين ..
وسمعي ايخون ..
من يسمع حچي بلا شوف ..
ميفرزن حچي الحلوات .. والحلوين ..
بس جربت گلبي ..
من يحب ايذوب ..
ويرف للي يحبه ..
بلهفة امعرسين ..
يا حلوة وحلاتچ ..
عافية واشواگ ..
رف گلبي عليچ ..
وانتي ماتدرين ..
يا حسرة ايامي..
يمته گلبي ايهيد ..؟؟وانتي الجنه يمچ ..
واحنه بالنارين ..
مجبور آني احبچ ..
مو بيدي مجبور ..
اظن ربچ عذر ..
كل ناس مجبورين ..
يل عينچ جزيرة ..
والرموش اسيوف ..
كتلتيني يحلوة ..
ابچي عالميتين ..
فرق بين اليحب ..
وما تحرگه النار ..
وفرق بين اليذوب ..
ابهمسه من تحچين ..
يا ماي الاريده ..
واشتريه بالروح ..
وانتي النهر يمچ ..
واحنه عطشانين ..
يل شوفچ عوافي ..
الگلب راح ايموت ..
عجب من ردت شوفچ ..
گمتي تتعذرين
ماجبرچ يحلوة ..
القسمه تلعب دور ..
ما مقسومة اليه بكيفچ تحبين ..
خليني آنه وحدي ..
الحظ شگول عليه ؟ادوره بيا مدينه ؟وحظي گاعد وين ؟خجلان آني من روحي ..
وحملت النار ..
واتوازت اشواگي ..
ابزحمة الماشين ..
خلصت العمر ..
شجرة أورق صفصاف ..
يا صفصاف عمري ..
شوكت تصبح تين ؟؟ما حس اخطأت ..
لمن كشفت النار ..
ردتچ على ناري ..
وجمري تتحمين