جذبات البنات على العموم

اليوم بعض من سوالف البنات واحنه بين قوسين نحجي الحق

- حبيبي تدري اني احب الصراحه واحب اكون صريحه وياك (لو تدري اني جنت ويه 90 واحد قبلك بس حقك حديقه وميت بيه )

- اني كلامي دائما يحتمل الصدق وما اعرف الكذب ( هي لو تدري من تحجي يطلع الفيل من حلكها يضرب جلاليق ودفرات بس يريد ينتحر خطيه )

- ما احب احجي تلفونات لأن احسها فد شي فارغ ويضيع وقت ( تحجي بالتلفون كل يوم 20 ساعه 10 ساعات تضحك على شنو مندري والباقي قشب على الناس وهاي شلبست وفلان باوع عليه )

- اني من زبائن مارك سبينسر بلندن ( حديقه 24 ساعه بسهام العبيدي )

- عدنه جاغوار سيارة الملوك الي دائما احب افتر بيها ويه بابا ( هي قصدهه بالحلم شافت علي بابا وال 40 حرامي ديفروها بالبايسكل بس كعدت ولكت البطانيه متكشفه وما متغطيه زين ) - احب اكل بمطاعم فاخره وتطل على النهر (يم ابو تحسين ابو الفلافل يوميه من تطلع من الدوام)

- ما احط مكياج لأن جمالي طبيعي (هو بدون مكياج يصير بالمشاهد العام جالي )

.وقت فراغي اكضيه العب تنس لو سفرات سياحيه (وقت فراغهه نصه كدام المرايه والباقي تسوي عشه وتخبز ويه امهه )

- كضيت طفولتي بدزني لاند (بالشورجه تشتري كاسيتات حسين نعمه )

مو صحيح شباب!!!