محاوره بين شابه وشاب (حلوووه)

تبدا في
مكان يجمع شباب وبنات ويبدا شاب بهالبيت

شاب
وشبع لوعات وهم طلع شيبه & والفرح عنه بعيد وبلا حبيبه

فترد عليه شاببببه

طم روحك بسرداب والطم لطم ميت & كل ربعك مكبلين بس انت ضليت

الشاب

هم ردت
اطم الروح بسرداي كوه & بس شفت فاره وفار بالختله جوه

الشابه

تتغازل الفيران وانت التباوع & مو بس تطم الروح دكها بمدافع

الشاب

هم جبت
مدفع زين كلبي ارد اهفة & بس شفت قمبلتين شفه على شفه

الشابه

جانت تعوزك
هاي حب القنابل & متكولي حضك ليش وياك قافل

الشاب

ماريد اهيج
جروح خل امشي احسن & وهناك اروح بعيد وبروحي اسحن

الشابه

لاعمي
لا هيهات هاليوم اعوفك & خليني امشي وياك وافهم ضروفك

وينهض الاثنان ويسيران
بعيدا

الشاب

بس مشيج انتي وياي مابي دوايه & سلعه ولفضهة
السوك كلبي هوايه

الشابه

خافن عليك تروح تلبسلك
حزام & وبواحة العشاك تفجره وتنام

الشاب

مو ذنب اهل الشوك ماعندي محبوب & يجوز بجهرتي عيوب مانحب فرد نوب

الشابه

عمي
الزلم اخلاق مو بالمضاهر & وكلب البنت مفتوح للكلبه
طاهر

الشاب

كل ضنج
الكه كليب يخفك لملكاي & وبشوفي يفرح دوم ويكلي يهواي

الشابه

الكلب
بالتشريح تشوفه نصين & نص
لمسير الدم ونص للمحبين
وكل احنا عدنا انصاص هم الها
ثاني & ولابد ينول الحب كلب اليتاني

الشاب

يابه شكثر
تانيت كربت اياس & وكلبي الخفك من جان البكري ريس

بس والله هم معقول حجي الحجيتيه & اشكلتي لو تبنين كلبي وتسكني

الشابه

ليهسه
ماحسيت وك انه احبك & ومن طلعن الشيبات وانه على دربك

ونشدت كلبي عليك كال انت حباب & بس رادك تناغيه حتى افتح الباب

الشاب

وفكرت
بالتفخيخ وبطمة السرداب & ثاري الامر محلول من دكة
الباب
بس انتي حلوه هواي وانه قدي وعوع & لو شافت ام وحام وجه العليه تزوع

الشابه

شلي انه بام وحام وشلك معاهة
& انت شريك الروح ميهة وضواهة

الشاب

كلبج صدك
وياي افديله كلبي & وخل تسمع العشاك بس انتي حبي

الشابه

وبواحة العشلك سجل اسمنا & نحجز مكان هناك والحب يلمنه

يااااارب تعجبكم