هاي من تصير جمعة(مو يوم جمعة كعدة هع)مال بنات
وتشتغل الهمبلة g الحش ع الناس
نجي ع هذولة الجماعة
-ولج شفتي البارحة الفلم ع الmbc max
-اي ولج شفتي ملابسهة خاصة الحذاء
-اي مو طبيعي
-و تعالي شفتي صديقتها شلون الثوب مالتها ذاك اليوم شفت مثلة بالمنصور(جانت كاعد تشتري باكلة من السوك وتكول منصور)
-اي ولج وهذا الولد الي يمهة يكطع شفتي
-اي وشلون قاط وانيق
-اي و الجل مالتة محد مستخدمة قبل(خلفلة ع المي والشكر)
..
نجي ع هاي المجموعة:
-ولج شفتي البرنامج مال انتي اجمل(جمل لو حصان)
-اي شلون طلعتها جانت وجه السليمة سوتهة مو طبيعية
-اي شفتي هذا الكريم الي استخدمتة جان عندي منة قبل يومين
-صدك؟! مين اشتريتي
-خطيبي جابلياه من لندن(خطيبهة كاعد يبيع طرشي بالسوك)
-خطية انتي خطيبج يجيبلج كريم
اني ذيج المرة سافر للارجنتين دزلي كيلوين فضة(هو بالسوك دزلهة كيلوين خيار)
-لا لعد اني مو راح للبرازيل وجابلي كيلوين ذهب(جابلهة طرشي هدية عيد ميلاد خخ)
..
و هسة هاي المجموعة:
-البارحة جنت راجعة من الدوام جان اشوف فلانة لابسة هيجي وتكلي من اطلع اكلج
-اي هذني يطلعن وحدهن بس يشترن ويرجعن
-اني ذيج المرة طلعت وحدي رحت للزوراء لكيتهة راكبة بالمكص
-لا و اني من زوجي ديرجع من اوربا شافهة بالطيارة(هو زوجهة جان ديجيب الربح مال جياسة الي يبيعهة)
-صدك و هم تسافر واحنا مندري
-مو اشدا اكلج هذني يطلعن بسكتة ويرجعن بسكتة
-اي شفتي السوار الي لابستة
-اي و متتعامل بمحبس واحد الا ثنين او تلاثة
- وكلة ذهب وفضة
-خوب الكلايد والتراجي ما احجيلج
-اي ماكو هيجي
-كل يوم تلبس شكل
..
و هسة هاي المجموعة الي تتعيقل:
(هاي طبعآ دتخابر صديقتهة)
-هاي شلونج سوسو(صديقتهة اسمهة جاسمية)
-هلو حبي شلونج
-اني كلش فرحانة خطيبي رجع من السفر ولو تشوفين الهدايا
-سبحان الله خطيبي هم رجع لو تشوفين شجايبلي
-اي بلة خلي نسولف(ليش متكول خلي نهمبل)
-اني جابلي تسع سوارات ومحبسين و ورقة كاملة بيهة توقيع مال تيموو عاا
-ختية اني جابلي ذهب وفضة وهدايا وتوقيع عمر ذياب ورامي صبري(هو من كاعد يبيع دفاتر ام الربع واحد اجة شخبط ع الورق)
-خوب اني الفضة ما احجليلج
-اني جابلي كلادتين وتراجي وست سوارات كل تلاثة بأيد
ومحبسين
-لعد اني جابلي خمس محابس(ام الربع)
و كلادتين(مزنجرة)
وسوار(بلاستك)
..
و هاي هي هع
مو تضوجون ترة دنتشاقة ههههههههههههههههههه
موضوع: تحشيش بنات يخبل 
الثلاثاء يونيو 23, 2009 10:53 am